Madaxweynaha Soomaaliya oo maanta kulan la yeshay Xubno ka socda Besha Caalamka (Daawo Sawirada)

Kulanka oo ka dhacay Hoteelka Jazeera ee magaalada Muqdisho ayaa waxaa wada qaatay wasiirka arimaha dibada dalka Kenya Moses watangula iyo Madaxweyne Xasan Sheekh.Kulanka kadib shirjaraa’id oo ay labada masuul wada qabteen ayaa markii hadalka ugu horeeyay uu sheegay madaxweyne Xasan Sheekh mar qura waxaa la maqlay dhawaqa qarax xoogan oo gelgilay dhamaan hoteelka inkastoo qaraxa uu banaanka hoteelka ka dhacay.Qaraxa oo ahaa nooca ismiidaaminta ah ayaa labo nin oo waxyaabah qarxa isku soo xiray ay isku qarxiyeen banaanka hoteelka halkaasi oo khasaaro kala duwan uu ka dhashay.

Madaxweyne Xasan Sheekh oo shirka jaraa’id ka hadlayay ayaa ku tilmaamay qaraxaasi iney qeyb ka tahay Soomaaliya dhibaatooyinka ka jira hayeeshe taasi laga gudbayo.

Xasan Sheekh madaxweynaha Soomaaliya ayaa faahfaahin kasiiyay wasiirka arimaha dibada Kenya sida uu yahay xaalka Muqdisho iyo sidoo kale qaabkii wanaagsanaa ee ay udhacday doorashada.

Wasiirka arimaha dibada Dowladda Kenya Mosses watangula ayaa dhankiisa sheegay in madaxweyne Xasan Sheekh uu uwado dhambaal kaga yimid dhanka Madaxweynaha dalka Kenya kaasi oo ku aadan hambalyo loogu hambalyeeynayo xilka uu ku guuleestay.

Moses Watangula ayaa Madaxweynaha Soomaaliya u sheegay in dowladda Kenya ay la garab taagan tahay wada shaqeyn dhinac waliba ah iyo sidoo kale garab istaagida dowladda cusub ee Soomaaliya.

Madaxweynaha dowladda cusub ee Soomaaliya ayaa la magacaabay maalmo ka hor waxaana isa soo taraya hambalyada loo jeedinaayo ee ku aadan guusha uu ka gaaray doorashada Madaxtinimada dalka Soomaaliya.

Posted by admin on Sep 12 2012. Filed under Wararka. You can follow any responses to this entry through the RSS 2.0. You can leave a response or trackback to this entry