Dagaalo dad ay ku dhinteen oo ka dhacay Gaalkacyo.
Wararka ka imaanaya Magaalada Galkacyo ee xarunta gobolka Mudug ayaa sheegaya in halkaasi uu goordhaw ka dhacay iska horimaad khasaare geystey.
Iska horimaadka ayaa la sheegayaa inuu u dhexeeyo kooxo hubeysan oo aan cidna ka amar qaadan sida ay dadka deegaanka ah u xaqiijiyeen Website-ka Qurbejoog.com.
Inta la ogyahay waxaa ku dhimatay 2 ruux halka 5 kalena ay dhaawacmeen kuwaasi oo dhammaan ahaa dad rayid.
Ma jiro wax war ah oo ka soo baxay maamulada ka wada arrimiya magaaladaasi, inkastoo xaaladda ay tahay mid cakarin.
Dhinaca kale Maanta ayaa Kooxo hubaysan waxa ay Labo ruux oo Xoolo dhaqato ah ku dileen Magaalada Gallinsoor ee gobolka Galgaduud sida ay soo sheegayaan dadka deegaanka ah.
Dilka ka dhacay Magaalada Gallinsoor ayaa lasoo sheegayaa in uu salka ku hayo Aanooyin qabiil.
www.qubanaha.com
Short URL: http://www.qubanaha.com/?p=8721
Posted by