Wadad Lagu dilay Kismaayo .
Xalay ayaa magaalada kismaayo ee Xarunta Gobolka Jubadda hoose waxaa lagu dilay hal qof kaas oo ahaa Wadaad Mu’adin ka ah mid ka mid ah masaajidyada ku yaala magaalada kismaayo sida ay u xaqiijiyeen Kulmiye Goob joogayaal .
Qof la dilay ayaa waxaa soo gaaray dhaawac culus kaas oo uu saakay ugu danbayntii u geeriyooday dhawiicii soo gaaray , iyadoo xiliga qofkan la dhaawacay ay ahayd xilli habeenimo ah oo ay adag tahay sidii loogu fidiyo adeeg caafimaad .
Falkaan ayaa ka dhacay xaafada lagu magacaabo Calaley oo ah xaafad ka mid ah xaafadaha Magaalada Kismaayo.
Dilalka qorshaysan ayaa imaanaya ka dib markii laga saaray Magaalada Kismaayo Al-Shabaab iyadoo ay la wareegeen Ciidamada dowlada Soomaaliya oo garab ka helaya kuwa Kenya.
Ma jirto cid si dhab ah ugu sheegatay dilkan loo gaystay ninkan Mu’adinka ah ee xalay lagu dilay Magaaladan Kismaayo wallow ay dhacdooyin ay noqonayaan kuwa iska soo daba laab laabtay tan iyo intii ay magaaladaa Kismaayo ay iskaga baxeen Al-Shabaab.
Short URL: http://www.qubanaha.com/?p=8787
Posted by