Ra’iisulwasaarihii hore ee Soomaaliya Cabdulwali Maxamed Cali (Gaas) oo si weyn loogu soo dhaweeyay Gaalkacyo (Daawo Sawiro).
Gaalkacyo[Qubanaha]Xildhibaan Gaas ayaa waxaa si weyn garoonka Gaalkacyo ugu soo dhaweeyay masuuliyiin ka socotay labada maamul Puntland iyo Gal-Mudug ururada bulshada gobolka iyo shacabka ku dhaqan magaalada Gaalkacyo ee xarunta gobolka Mudug.
Xildhibaan Gaas ayaa sidoo kale sheegay in uu ku faraxsanyahay in uu soo booqdo magaalada gaalkacyo oo uu xildhibaanka u yahay iyo deegaano kale oo ka tirsan gobolka Mudug isla markaana uusan jaanis u helin intii uu ahaa Ra’iisulwasaaraha soomaliya.
Gaas ayaa dhanka kale sheegay in uu la tashiyo iyo xogwareysi ku aadan la samayn doono shacabka ku nool Gaalkacyo isna uu uga warbixin doono marxaladihii uu soo maray iyo waxqabadkiisii intii uu ahaa Ra’iisul wasaaraha soomaliya.
Xildhibaan cabdiwali ayaa booqasho gaaban ku tagay guriga uu magaalada gaalkacyo ka daganyahay Islaan Bashiir Islaan cabdulle oo uu salaan iyo kulan gaaban ku la qaatay halkaas.
Ugu danbaytii Ra’iisul wasaarihii hore ee Soomaaliya Dr. C/weli Maxamed Cali Gaas ayaa si toos loo geeyay hoyga uu ka dagay magaalada Gaalkacyo oo ah gurigii AUN Madaxweynihii hore ee Soomali Cabdulaahi Yuusuf Axmed .
Short URL: http://www.qubanaha.com/?p=9280
Posted by