ibrahim
|

Ciidamada Dowlada iyo Amisom oo kaabiga ku haya Jowhar iyo howlgal lagasameyey xerada Kongo.

Howlgal qorsheysan oo lagu khaarijiyey Maleeshiyaad ka tirsan kooxda argigixisada ah ee Al-Shabaab ayaa waxaa laga fuliyey xerada Congo ee duleedka magaalada Jowhar ee xarunta gobolka Shabeelada Dhexe.

Howlgalka ayaa waxaa fuliyey ciidammo ka tirsan Xoogga Dalka Soomaaliyeed duhurnimadii maanta waxaana qorshihiisu ahaa iney Ciidammadu bur buriyaan hub kooxda Al-Shabaab u yaalay xerada Congo iyo maleeshiyaadkii halkaasi ku sugnaa ee la khaarijiyey.

Sarkaal ka tirsan Ciidammada Xoogga Dalka Soomaaliyeed gaar ahaanna saraakiishii hogaamineysay howlgalkii maanta ayaa u sheegay Radio Muqdisho in howlgalkaasi ujeedkiisu ahaa barta lagu qaaday oo ah xerada Congo oo qiyaastii 7KM duleedka Koonfureed kaga beegan magaalada Jowhar ee xarunta gobolka Shabeelada Dhexe.

Howlgalkaasi waxa uu socday waqti kooban waxaana lagu dilay ku dhowaan Toban ka tirsan Maleeshiyada kooxda Argigixisada ah ee Al-Shabaab ayadoo Ciidammadii howlgalkaasi fuliyeyna ay gacanta ku dhigeen hub farabadan.

Howlgalkan qorsheysan ayaa waxa uu yimid waxyar kadib markii ay sidoo kale Ciidammada Xoogga Dalka Soomaaliyeed ay howlgal qorsheysan ugu qaadeen fariisin ay duleedka garoonka diyaaradaha magaalada Jowhar ku leeyihiin kooxda argigixisada Al-Shabaab halkaasi oo kooxda qasaare lexaad leh lagu gaarsiiyey.

Saraakiisha Ciidammada Xoogga Dalka Soomaaliyeed waxey ku tilmaameen howlgallada noocan ah kuwo si dadban loogu daciifinayo awooda Jowhar ay argigixisadu ku leedahay islamarkaana hada si aad ah loo daciifiyey oo dhowaan magaaladaasi ay soo geli doonto ganacta Umadda Soomaaliyeed.

Short URL: http://www.qubanaha.com/?p=13134

Posted by on Dec 7 2012. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Current ye@r *

Recently Commented

  • shaafi hassan: real madrid- bayern munnich labada ayan jecla inay isku hagaagan de
  • adnan omar: chelsea vs galatasaray chel guuul wcn weliba guusha sare ee cup.kan